Hrærð og þakklát

Það væri auðvitað draumi líkast ef ég gæti slegið um mig á þessari stundu og notað vel þekkta frasa stjórnmálamanna til að tjá hversu mikilfenglegt það er að ég skuli vera byrjuð að blogga á ný eftir fremur langt hlé. Það væri unaðslegt ef ég gæti sagt að margir hefðu komið að máli við mig, að ég fyndi fyrir miklum meðbyr og að ég væri afar þakklát fyrir allan þann stuðning og þá hvatningu sem ég hefði fengið frá fólki undangengna daga. Þá væri líka gaman ef ég gæti tjáð umheiminum tæpitungulaust að það væri eftirspurn eftir sjónarmiðum mínum.

Tilhugsunin ein veitir mér lífsfyllingu.

Raunveruleikinn er hins vegar annar. Það hefur enginn komið að máli við mig og beðið mig að byrja að blogga á ný, það er enginn meðbyr og ég er ekki við það að missa þvag í eigin geðshræringu yfir stuðningi fólks. Hvort eftirspurn er eftir sjónarmiðum mínum verður einfaldlega að koma í ljós. Eins og hver annars sjálfskipaður besserwisser hef ég þó hafið blaður að nýju. Sjáum hvað setur.

Athugasemdir

[Geir Ágústsson, 25.4.2007 kl. 22:44]

Meðbyr og allt það hér með skjalfest!

[Steina Vala (IP-tala skráð) 26.4.2007 kl. 11:50]

Æææææðislegt!!!

[Saría Migrún (IP-tala skráð) 26.4.2007 kl. 14:02]

Gegt mar. Hlakka til að heyra meira af raunum skonsunnar.....í netheimum

[Viðskipti, 26.4.2007 kl. 22:24]

Ekki veitir af alvöru hægrifólki á þetta Moggablogg!

[Erna Karla (IP-tala skráð) 27.4.2007 kl. 20:14]

JEY :-)

[Dögg Pálsdóttir, 29.4.2007 kl. 21:14]

Velkomin aftur á bloggið.

[JJnasson (IP-tala skráð) 9.5.2007 kl. 10:24]

Alltaf gaman að lesa það sem þú skrifar. Stelpan er svo helvíti beinskeitt ;). Hvenær ætlar þú að fara hella þér í pólitíkina af fullum þunga ?. Ég vill fara sjá nafn þitt á kjörseðli og það fljótlega að ég tali nú ekki um sæta mynd með. Það gæti hreinlega ekki klikkað